.Durante o XXXVIII Congreso Internacional da Asociación de Jóvenes Lingüistas, haberá eventos sociais a que convidamos a participar a todas as persoas comunicantes e asistentes. Entre 13 de setembro de 2024 e 30 de setembro de 2024 estará aberta a inscrición para participación nos seguintes eventos.
- Visita guiada de Santiago de Compostela: o mércores, 16 de outubro, despois do primeiro día de congreso, poderemos gozar dunha visita guiada polo centro histórico da cidade de Santiago de Compostela a partir das 20:00. Por cuestións de organización, debemos limitar a participación ás 90 primeiras persoas en se inscribiren. Por este motivo, pedimos que só aquelas persoas que saiban con certeza que asistirán cubran o formulario de inscrición.
- Cea social: o xoves, 17 de outubro, terá lugar a cea social no restaurante A Nave de Vidán ás 21:30. O prezo da cea será de aproximadamente 30€. As persoas interesadas en asistir terán que cubrir o formulario de inscrición e recibirán posteriormente información detallada por correo electrónico sobre o prezo exacto e a forma de pagamento.